- Information
- AI Chat
Modyul 2 - Panitikan
BSED- Filipino
Bohol Island State University
Recommended for you
Preview text
Kahalagahan ng Pag-aaral ng Sariling Panitikan
Tungkulin ng Panitikan
Ang panitikan ay may malaking bahagi sa ating buhay sa pang araw- araw na gawain man, ito ay nagbibigay ng kaalaman sa atin upang malaman ang naging buhay ng mga sinaunang tao, mga kultura, mga nagawa tula at iba pa kahit sa kasalukuyang kaganapan. Kailangan natin itong pahalagahan dahil ito ay parte ng ating nakaraan kasalukuyan, hanggang sa mga dadating na panahon. Kung ano pa natin ay may gampanin din tayo na makita sa atin ang pagpapahalaga natin sa panitikan.
Dahilan ng Pag -aaral ng Panitikan
Mahalaga na maunawaan natin na dapat nating pag aralan ang panitikan upang mas lalo natin itong bigyang pansin at hindi kalimutan kung saan nagmula ang ating mga kaalaman.
- Upang malaman natin kung ano ang taglay nating katalinuhan mula sa ating lahing pinagmulan.
- Upang mabatid natin na ang tradisyon na ating ginagawa ay may kinalaman sa ating pinagmulan.
- Upang ang anumang kapintasan ng ating panitikan ay maiwasto at mapaunlad.
- Marami dahilan kung bakit natin kailangan pag aralan ang panitikan, ang pinaka mahalaga ay hindi natin makalimutan at baliwalain, kundi mahalin natin ang panitikan natin.
Ang Makabagong Panitikan sa kasalukuyang Panahon.
Kaybilis ng paglipas ng panahon na kasabay ng madaming pagbabago. Sa panahon natin ngayon na pawang mga teknolohiya ang mga pinaka mabisang gamit. Kaya naman naging madali ang pagpapahalaga ng mga tao dahil sa kanilang saloobin sa pamamagitan ng teknolohiya dahil narin sa mabilisang presensiya ng input at feedback ng mga impormasyon sa pamamagitan ng chat, Fb, Twitter, blog, IG, tumbl'r YouTube, e- mail at iba pa. Kaya naman ang mga libro,dyaryo, magazine at iba pang klase ng limbag na babasahin ay madalang ng nagagamit at nababasa dahil na din sa mabilisang pagbabago idinulot nito sa ating buhay, at lipunan ng teknolohiya, kaya naman ito ay mas lumawak pa sa ating henerasyon.
Ang Unang Panitikan sa Pilipinas
Bago nga ba dumating ang mga dayuhan sa ating bansang Pilipinas, Anu - anong mga panitikan na ating nakamulatan noong kapanahunan?
Ang Pilipinas ay mayroon ng talagang Panitikan, at ito ay nag mula sa sari- saring mga lipon o pangkat ng mga tao na dumating sa ating kapuluan. At ito ang mga Negrito, mga Indones at mga Malay. Ito ay nagpapatunay na mayroon ng sistema ng pagsulat at pagsasalita ang bawat Pilipino, subalit karamihan ng mga naisulat ng mga tao sa Pilipinas ay sinunog ng mga kastila.
Alibata ang kadalasang ginagamit, gumagamit din ng biyas na kawayan, talukap ng bunga ng niyog at dahon bilang sulatan.
Ang mga uri ng Panitikan noon ay alamat, kwentong bayan, epiko, mga awiting bayan, salawikain, kung kaya't ang ating bansa ay masasabi nating may mga sariling panitikan at hindi lamang nagmula sa mga dayuhan.
Problema sa pagtuturo ng Panitikan
Sa unang pagkakataon, hindi gaanong mabigat ang mga problema sa pagtuturo ng panitikan sa Pilipino. Pinakamadalas mabanggit ang kasaklawan ng materyal na pag-aaralan. Paano nga ba maituturo ang buong kasaysayan ng panitikan sa Pilipinas sa loob lamang ng isang semestre? Paano mabisang mapalilinaw ang ugnayan ng mga anyong-pampanitikan sa kasaysayan sa loob ng napakaikling panahon?
Kaugnay ng problema ng kalawakan ng materyal ang antas ng pagbibigay diin sa pagtuturo ng mga akda. Anu anong halimbawa ang dapat na gamitin sa klase? Gaano kalalim ang dapat na gawing pagtalakay sa kontekstong historikal ng mga akda? Anu anong mga detalye ng talambuhay ng may akda ang dapat na isali? Gaano kalawak ang pagtatalakay sa tradisyong nagbigay kahulugan sa mga akdang pampanitikan.
Kahalagahan ng Panitikan sa Lipunan
Ang pag-aaral ng sariling panitikan ay napakahalaga. Sa pamamagitan nito ay malalaman, madarama at masumpungan natin kung paano nag-ugat at namuhay ang ating mga ninuno.
Malaki ang naitutulong ng panitikan sa ating mga indibidwal na buhay, at sa buhay ng ating lipunan. Unang una, nagbibigay ang panitikan ng isang magandang pagtakas sa realidad at ibinabahagi nito ang isang uri ng libangan para sa mga tao. Ikalawa, nagkakaroon ng malaking tulong ang panitikan sa pag-hulma ng lipunan dahil tinutulungan nito ang mga mamamayan na bumuo ng opinyon sa mundo at kwestiyonin ang kasalukuyang sistema. Dahil dito, nagkakaroon ng pagbabago sa pangkalahatan ng lipunan na siya namang nagbibigay buhay dito. Dahil din sa Panitikan ay nagkakaroon ng pag-asa ang mga miyembro ng lipunan upang ipagpatuloy ang kanilang buhay at mga gampanin. Ang panitikan ay nagsasalamin sa kulturang pinagmulan nito.
Sa panitikan ay mababatid natin ang mga Pilipinong pumanday ng ating matatayog at marangal na simulain na naging puhunan sa pagbuo ng isang lipunan. Higit sa lahat, bilang mga nagmamahal sa sariling kultura ay kailangang maipamalas ang pagmamalasakit sa ating panitikan. At upang makilala at magamit natin ang ating mga kakayahan sa pagsulat at magsikap na ito'y malinang at mapaunlad.
Panitikan sa Pilipinas
Ang panitikang Filipino ay pahayag na pasalita o pagsulat ng mga damdaming Filipino hinggil sa pamumuhay, pag-uugaling panlipunan, paniniwalang pampulitika at pananampalatayang niyakap ng mga Pilipino.
Ang Panitikan ng Pilipinas ay pangunahing tumutukoy sa umiiral, umuunlad, at namamayaning uri at anyo ng katutubong panitikan. Subalit nakakasama rin dito ang mga panitikang nilikha at ginawa ng mga Pilipinong nasa labas ng sariling bansa, sapagkat inakdaan ang mga ito ng mga Pilipino, o ng may lahing Pilipino sa malawak na nasasakupan ng paksa. Dahil dito, tinawag ding Panitikang Pilipino ang Panitikan ng Pilipinas dahil kinabibilangan ng mga likhang pampanitikang nagmula sa at kinabibilangan ng iba't ibang wika sa Pilipinas.
Modyul 2 - Panitikan
Course: BSED- Filipino
University: Bohol Island State University
This is a preview
Access to all documents
Get Unlimited Downloads
Improve your grades
