- Information
- AI Chat
Aralin 8 Wastong pagpili ng mga salita
BSEd Filipino
Cebu Roosevelt Memorial College
Preview text
WASTONG PAGPILI NG MGA SALITA
BAKIT MAHALAGA ANG PAG PILI NG SALITA?
Ito’y nagpapakita ng paggalang sa mensaheng iyong ipinapahayag at nagsisiwalat nang malaki hinggil sa iyong saloobin sa mga tao na iyong kinakausap. Ito’y nakaiimpluwensiya sa reaksiyon ng iba sa iyong sinasabi. Mga dapat pagtuonan sa pagpili ng salita: 1. Salitang Madaling Maunawaan. - Isang pangunahing kahilingan sa mabuting pagsasalita ang pagiging madaling maunawaan nito. - Kung ang mga salitang ginagamit mo ay hindi madaling maunawaan ng iyong tagapakinig, ikaw ay parang nagsasalita sa kanila sa isang banyagang wika.
2. Pagkasari-sari at Katumpakan ng Pananalita. - Ang paggamit ng tamang salita ay makakatulong din sa iyo ng masabi agad ang punto nang walang maraming salita. - Dahil sa pagiging simple , nagiging mas madali para sa iba na maunawaan at matandaan ang mahalagang katotohanan. Ito’y nakatutulong sa paghahatid ng tumpak na kaalaman.
3. Mga Salitang Nagbabadya ng Puwersa, Damdamin, Kulay.
- Ang piling-piling mga salita ay makapagbibigay ng maliwanag na impresyon sa isip ng
iyong mga tagapakinig.
- Ang mga salita na buong linaw na nagpapahayag ng mga ideya ay maaaring magpatawa o magpaiyak sa mga tao.
4. Eupemismo - Ang pagpapalit ng salitang mas magandang pakinggan kaysa sa salitang masyadong matalim, bulgar, o bastos na tuwirang nakakapanakit ng damdamin o hindi maganda sa pandinig.
Pagpili ng angkop na salita ng pangungusap - Nagiging malinaw ang pahayag kapag gumagamit ng mga angkop na salita sa kaisipang ipinapahayag. Kung minsan may mga salitang tama na ang kahulugan sa loob ng pangungusap ngunit hindi naman angkop na gamitin sa pahayag. Halimbawa. Ang bunganga ay hindi dapat ipalit sa bibig sa pormal na pahayag.
Narito ang limang tuntuning ibinigay nina Tumangan, et. Al. (2001) na maaring sundin sa pagpili ng tumpak na mga salita sa pahayag.
- Tiyaking ang salita ay angkop sa ibig sabihin.
- Tiyakin na angkop ang panlapi ng salitang ginamit.
- Tiyakin na timbang ang ideya ng mga salitang ginagamit.
- Tiyaking nagkakaisa ang aspekto ng mga pandiwang ginagamit.
- Iwasan ang labis na paghihiram ng salitang Ingles lalo na’t hindi pa iyon tinatanggap ng marami at mayroon namang katumbas na katutubong salita natin ang mga iyon.
Kaisahan ng pangungusap
Huwag pagsamahin sa pangungusap ang hindi magkakaugnay na kaisipan.
Ang pagtataglay ng maraming kaisipan sa pangungusap ay labag sa kaisahan ng pangungusap dahil lumalabo ang pangunahing kaisipang ipinahayag.
Gawing malinaw sa pangungusap kung alin ang pangunahing sugnay at ang panulong na sugnay.
Gamitin ang tinig na balintiyak ng pandiwa kapag ang simuno ng pangungusap ay hindi siyang gumaganap ng kilos.
Huwag ilayo ang salitang panuring sa tinuturingang salita.
Ilapit ang panghali sa pamanggit sa pangngalang kinakatawan nito.
Sa Filipino, nauuna ang panag-uri kaysa sa simuno sa karaniwang ayos ng pangungusap.
Kinesika (Kinesics) – ito ang pag-aaral ng kilos at galaw ng katawan. Hindi man tayo bumigkas ng salita, sa pamamagitan ng pagkilos ay maipararating natin ang mensaheng nais nating ipahatid.
Ekspresyon ng mukha (Pictics) – ito ang pag-aaral sa ekspresyon ng mukha upang maunawaan ang mensahe ng tagapaghatid. Sa paghahatid ng mensaheng di-verbal, hindi maipagwawalang- bahala ang ekspresyon ng mukha. Sa ekspresyon ng mukha ay mahihinuha na natin ang nararamdaman ng isang tao, kung ito ay masaya, malungkot, galit o natatakot.
Galaw ng mata (Oculesics) – ito ay pag-aaral ng galaw ng mata. Nakikita sa galaw ng ating mga mata ang nararamdaman natin. Sinasabing ang mata ang durungawan ng ating kaluluwa, nangungusap ito. (panlilisik, panlalaki, pamumugay). Maipakikita rin ng galaw ng ating mga mata ang pagnanais upang makipag-usap.
Vocalics – ito ay ang pag-aaral ng mga di lingguwistikong tunog na may kaugnayan sa pagsasalita.
Pandama o Paghawak (Haptics) – ito ay pag-aaral sa mga paghawak o pandama na naghahatid ng mensahe. Ang pagtapik sa balikat, ang paghablot, pagkamay, o pagpisil, ito ay mga paraan upang mapabatid ang mensahe.
Proksemika (Proxemics) – ito ay pag-aaral ng komunikatibong gamit ang espasyo. Isang katawagang binuo ng antropologong si Edward T. Hall (1963). Ito ay tumutukoy sa layo ng kausap sa kinakausap. May iba’t ibang uri ng proxemic distance na ginagamit sa iba’t ibang pagkakakataon – 1 ------ intimate 1 – 4 ft ------- personal 4ft – 12ft -----social distance 12ft ------ public
Chronemics – ito ay pag-aaral na tumutukoy kung paanong ang oras ay nakakaapekto sa komunikasyon. Ang paggamit ng oras ay maaring kaakibat ng mensaheng nais iparating.
Aralin 8 Wastong pagpili ng mga salita
Course: BSEd Filipino
University: Cebu Roosevelt Memorial College
- More from:BSEd FilipinoCebu Roosevelt Memorial College58 Documents
