FPL - Essay about Ang Pagsasa-Filipino ng mga Panoorin sa Daigdig ng Telebisyon, Pagda–dub

Ang Pagsasa-Filipino ng mga Panoorin sa Daigdig ng Telebisyon, Pagda–dub

ng Anime, at Paglaganap ng Wikang Filipino

sa Bawat Sulok ng Mundo

ni Ramilito B. Correa

Ang wikang Filipino ay isa sa mga kayamanan ng Pilipinas at ito rin ang dahilan ng

pagkakabuklod-buklod ng mga Pilipino dahil sa kapangyarihang taglay nito. Napakahalaga ng

wikang Filipino sa buhay ng mga Pilipino. Kaya naman dapat itong ingatan, alagaan at

pahalagahan upang ang presensya ng wikang Filipino ay hindi maglaho o mawala. Sa

kasalukuyang panahon, patuloy na umuusbong ang paggamit ng wikang Filipino dahil sa

paggamit nito sa iba’t ibang larangan at disiplina tulad ng media, lalong-lalo na sa telebisyon.

Kaya naman binigyang diin ng pag-aaral na ito ang pagkilala ng lubos sa wikang Filipino upang

mapanatili ang presensya nito at kung gaano ito kabisa, katatag at makapangyarihan kapag

ginagamit sa ibang larangan at disiplina. Ang paggamit ng wikang Filipino sa mga iba’t ibang

larangan at disiplina ay siyang naging susi upang lumaganap ang wikang Filipino. Malaki ang

gampanin ng wikang Filipino sa mga telebisyon sa pamamagitan ng pagsasa-Filipino ng mga

palabas sa daigdig. Dahil sa paggamit ng wikang Filipino sa mga palabas ay marami ang

tumatangkilik na nagdulot ng pagkamit ng bawat network ng mataas na reyting. Malaki rin ang

naging gampanin ng wikang Filipino sa pagda-dub ng anime na nagresulta sa mas malawak na

unawa ng mga Pilipino sa mga ibang palabas tulad ng anime. Ang paglaganap ng wikang

Filipino sa bawat sulok ng mundo ay isa rin sa mga dahilan kung bakit umuusbong ito. Dahil sa

nangyayaring at impluwensiya ng pandarayuhan ng mga Pilipino sa ibang bansa ay nasa mahigit-

kumulang 90 milyon na ang nakapagsasalita ng wikang Pilipino sa buong daigdig. Sa pag-aaral

na ito, napatunayan na ang wikang Filipino ay mabisa, matatag at makapangyarihan sa iba’t

ibang larangan at disiplina kung kaya’t dapat pang kilalanin ang wikang Filipino upang lalong

mas makilala ang wika ito sa buong daigdig bilang isang mahalagang wika.

Education (PROF-ED119)