- Information
- AI Chat
Posisyong Papel ukol sa pagsasabatas ng Sogie Bill
General Education (Eng 101)
National University (Philippines)
Recommended for you
Preview text
Posisyong Papel ukol sa pagsasabatas ng SOGIE Bill o Anti-Discrimination on the Basis of Sexual Orientation and Gender Identity Bill
IPAGLABAN ANG KARAPATAN NG ATING MGA KAPATID NA PILIPINO: PALAWAKIN ANG MGA BATAS NA NAGLALAYONG WAKASAN ANG DISKRIMINASYON BATAY SA Sexual Orientation, Gender Identity at Expression Equality o SOGIE.
Posisyong Papel na nauukol sa House Bill No. 4982.
Mainam na ipatupad ang SOGIE Bill sa ating bansa. Naglalayon itong bigyang pansin ang mga nalaktawan na karapatan sa mga dating batas lalo na saating mga kapatid na LGBTQ+. Kahit na binalangkas ng AFP na hindi na kailangan ipatupad ang batas na ito dahil mauulit lamang daw ang naturang dating batas at binibigyan ng prebelehiyo ang mga taong nasasakupan nito, mariing hindi tinignan ng AFP ang buong kahalagahan ng batas na ito. Usap-usapan din na katumbas daw nito ang pagpapatupad ng same-sex marriage ngunit lahat ng ito ay pawang miskonsepsiyon lamang. Ang SOGIE Bill ay hindi nilalabag ang karapatan ng mga hetero-sexual na nilalang, bagkus pinagtitibay din ang kanilang karapatan upang maiwasan ang diskriminasyon. Ilagay natin ang isang halimbawa kung paano makakatulong ng SOGIE Bill sa mga “Straight Individuals” hal. Si Mario ay inaasar ng mga bakla tuwing dumadaan siya sa palengke, nais ng mga bakla na isama rin siya sa grupo dahil mahinhin siya, ngunit alam ni Mario na babae ang kaniyang gusto hindi nga lang “masculine” ang expression o pagpapahayag ng kaniyang seuksuwalidad. Dahil dito nakakaramdam si Mario ng diskriminasyon at walang batas na makakatulong sa kaniya. Bagama’t hindi nararanasan masyado ng mga “straight people” ang mga ganitong diskriminasyon, tumutugon pa rin ang SOGIE Bill sa pagprotekta ng kanilang mga karapatan bilang tao at bilang Pilipino. Malaki ang porseyento ng Kristiyanismo sa ating bansa at nilalabag daw umano ang sinasabi sa bibliya. Naglabas ng statement ang Santo Papa ukol sa mga same-sex unions, Sinasabi niya na may karapatan ang mga homosexual couple na bumuo ng pamilya dahil anak din sila ng Panginoon. Dahil dito ay mas napatibay at nanaig ang karapatan ng mga LGBTQ+.
Bakit nga ba importanteng ipatupad ang SOGIE Bill kahit mayroon namang Bill of Rights? Kahit na prinoprotektahan ng konstitusyon ang ating mga kapatid na LGBTQ+, hindi pa rin sapat ito. Nangangailangan ng mas matibay na batas sa mga tiyak na grupo tulad ng LGBTQ+. Tulad ng mga batas na ngangalaga sa mga babae, manggagawa, bata atbp. Nangangailangan din ng tiyak na batas ang mga LGBTQ+ upang mapatibay ang kanilang karapatan. Ngunit hindi lang LGBTQ+ ang sakop nito, lahat tayo bilang Pilipino.
Nagsagawa nang survey ang Philippine LGBT Chamber of Commerce and research firm Cogencia na sinuportahan ng Embassy of the Kingdom of the Netherlands in the Philippines ukol sa mga kompanyamg naglalayong protektahan ang SOGIE ng kanilang mangagawa, lumabas na 0 sa 100 na kompanya ay walang mga polisiya ukol sa pagproprotekta ng SOGIE. Dahil dito lumalabas din na kakaunti lamang ang mga kompanyang tumatanggap ng mga LGBQ+ na Pilipino, may kakayahan man o wala. Hindi naman naglalayong pagtibayin ang same-sex unions sa bansa dahil sa SOGIE Bill, binibigyang importansya nito ang kahalagahan natin bilang indibidwal, LGBTQ+ man o hindi, lahat tayo ay matutulungan ng SOGIE Bill sa ating mga karapatan bilang isang Pilipino.
Ako na isang Pansexual, Non-Binary Individual ay nakakaranas ng diskriminasyon. Lumaki tayo na ang pinapanood ay “straight-individuals” ang karakter. Lumaki tayo na kasalanan ang mahulog sa kapwa natin lalaki o babae. Lumaki tayo na sasakyan ang laruan ng lalaki at manika naman sa babae. Lalo na sa lahat ay lumaki tayong insulto ang pagiging bakla. Mariing pinanindigan ng aking guro na si Binibining Princess Diana Ventura na noon ay may mga baklang babaylan na nirerespeto ng mga kalalakihan na tinatawag na asog o bayok. Noong dumating ang mga kastila naging talamak ang pagpapahayag ng nasa bibliya na makasalanan ang pagiging bakla. Mayroon akong napanood na isang “TikTok” bidyo kung saan tinalakay ng isang pare kung ano nga ba talaga ang niallaman ng nasa bibliya, giniit niya na sinasabi lamang ng Panginoon na makasalanan ang akto nang kalaswaan ng mga bakla at hindi makasalanan ang pagiging bakla, ngunit hindi ba’t kasalanan din ang pagtatalik bago ang kasal? Kasalanan din ang pagsisinungaling, pandarambong, at panglalait? Paano kaya kung ipatudapad ang batas na nakalimbag sa Bibliya, Exodus 21:7, na maari kong ibenta ang anak kong babae? Bakit nga ba tinutuon natin ang kasalanan sa mga kapatid nating LGBTQ+? Hindi ba’t nagmamahal lamang sila sa kanilang kapwa?
Ang pagkakaroon ng tiyak na batas upang protektahan ang isang indibidwal ay akto rin ng kapayapaan ng isang bansa. Wakasan natin ang dilemma na nararanasan ng ating bansa ngayon. Huwag natin ikulong ang isip natin sa kung ano ang kahapon, bagkus ay pagbutihin ang hinaharap. Ang pagiging ikaw ay ang pagiging sino mo sa mundo, pagtibayin ang karapatan, isabatas ang SOGIE Bill!
Posisyong Papel ukol sa pagsasabatas ng Sogie Bill
Course: General Education (Eng 101)
University: National University (Philippines)
This is a preview
Access to all documents
Get Unlimited Downloads
Improve your grades
